Lýsing
Lýsing

Avmarkað ansingartilboðum á dagstovnaøkinum

SKRIVAÐ: klaksvik.fo  |  06.08.2020 - 19:53 Tíðindaskriv Tíðindi

Frá mánadegnum 10. august verður aftur neyðugt at gera brúk av talgildu tilmeldingarskipanini, har foreldur, skulu boða frá, um barnið kemur á stovn ella í dagrøkt.

Fyrr í vár varð sama skipan brúkt, har foreldur umvegis heimasíðuna klaksvik.fo skuldu boða frá, um barnið kom á stovn og dagrøkt, hvørjar dagar, og har tað somuleiðis skuldi upplýsast klokkutíðir, tá ið barnið kom og varð avheintað.

Sama skipan er nú gjørd virkin, og er neyðugt, at foreldur fráboðað avvarðandi stovni í seinasta lagi í morgin, fríggjadagin 7. august kl. 18.00. 

Jógvan Skorheim borgarstjóri sigur, at sum kunnugt, so er nýggja útbrotið rættiliga nýtt, og støðan er ógreið, og tí ynskja vit ikki at taka nøkur óráð fyri og hava valt at binda um heilan fingur.

- Av royndum vita vit, hvussu skjótt smittan spjaðir seg, og vit vilja gera alt fyri at verja okkara børn, starvsfólk og borgarar, og tí velja vit at seta hesa skipanina í verk beinanvegin, sigur Jógvan Skorheim.

 

Daggjaldið verður aftur galdandi

Eins og tað var í vár, so hevur Klaksvíkar kommuna aftur gjørt av, at tey, sum hava børn síni heima, ikki skulu rinda barnagarðsgjald, meðan tey, ið taka av ansingartilboðnum, skulu gjalda fyri tænastuna.

Við støði í boðunum frá heilsuserfrøðingum og landsmyndugleikunum um at halda frástøðu, gott reinføri o.s.fr., kemur tað væl við, um foreldur - í tann mun, tað letur seg gera - avmarka brúkið av plássum teirra í dagstovnaskipanini.

 

Serskiltar mannagongdir til ymisku stovnarnar

Foreldur fáa ein av komandi døgunum nágreinaða kunning um mannagongdir frá stovninum, har barnið hevur, ella í næstum skal hava, tilknýtið.

Orsaka av, at stovnarnir og økini eru ymisk, so verða mannagongdirnar gjørdar í mun til karmarnar. Eins og tað varð, áðrenn farið var í summarfrí.

Lýsing
Seinastu tíðindini
Stigtakarar­nir: Burðardygg kommunuætlan…
Uttan kommunuætlan er ongin felagskós!
Streymu­rin farin í Klaksvík
Lærusve­ina­skúlin PODAS við enn fleiri ti…
Hvør handaði Havstovuni ein merktan svar…
Skjót kommununa
Væleydnað fiski­kapping í Norð­oyggjum
TelduTænastan skipar fyri kapping millum…
Merkta grindin vestur úr Írlandi
Sveinar fingið prógv
Eitt bragd at fáa viðarlund­ina í Grøv a…
Klaksvíkar kommuna samtykt fíggjarkarmin…
Viðarlundin 40 ár
KÍ er best umboðað á A-lands­liðnum
Telvingin fer í gongd aftur
Kanna fyri koronu í Runavík hósdagin
Fara at kanna lívsumstøður­nar hjá fólki…
Oyggja­leikir­nir 2021 útsettir
KÍ stórsteypavinnari 2020
Nú skal Klaksvíkar kommuna byggja 60+ íb…