Lýsing
Lýsing

Korona: Tímalønt mugu tryggjast

SKRIVAÐ: Samtak  |  07.08.2020 - 20:52 Politikkur Tíðindaskriv Vinna

Tímalønt starvsfólk, sjófólk og onnur, sum vera sett í sóttarhald ella ikki fáa farið til arbeiðis vegna korona, eru í løtuni fyri lønarmissi, tí ongin skipan er, sum loftar. Feløgini í Samtak heita á løgtingið um at koma saman, og at tryggja hesum arbeiðsfólkum endurgjald fyri lønarmiss. Løgtingið má handla í stundini, og skipanin má galda frá tí degi okkara limir ikki fáa farið til arbeiðis.

Tímalønt starvsfólk, sjófólk og aðrir løntakarar, sum eru koyrd í sóttarhald ella sum ikki fáa farið til arbeiðis vegna vantandi barnaansing, standa á berum og eru fyri lønarmissi. Hetta má og skal politiski myndugleikin taka í álvara og broyta, soleiðis at hesir løntakarar, sum teir einastu, ikki verða rakt av lønarmissi, nú korona aftur er farið at gera um seg í Føroyum.

Sjúkradagpeningalógin má broytast soleiðis at fólk í sóttarhaldi fáa endurgjald umframt at tey, sum ikki sleppa til arbeiðis vegna vantandi barnaansing, fáa endurgjald fyri henda lønarmiss.

Feløgini taka fult undir við heilsuligu tilmælunum, og at myndugleikar gera tað sum krevst fyri at fáa tamarhald á smittuni. Samstundis krevja vit, at okkara løntakarar ikki vera við svið og soð.

Tímalønt hava ikki ráð at missa ein tann einasta tíma av inntøku, tí má løgtingið tryggja, at allir okkara limir fáa endurgjald fyri mista inntøku.

 

Georg F. Hansen, formaður í Føroya Arbeiðarafelag

Jan Højgaard, formaður í Føroya Fiskimannafelag

Jastrid Niclasen, forkvinna í Klaksvíkar Arbeiðskvinnufelag

Absalon Hansen, formaður í Klaksvíkar Arbeiðsmannafelag

Lýsing
Seinastu tíðindini
Komið og stuðla Treysti ungdómi
Stórskermur komin upp
Veðrið í kvøld
Klaksvíkin er blá
Kaffisøla og limatilmelding í kvøld
Norðborg: Eg eri ekstremt spentur
Alexandur Petur Sólstein verur níti ár í…
Hug at dansa í vetur?
Írsk upptakt til dystin í kvøld
Val til Eldraráðið
Erla Kongsdóttir sjósett
Fotostudio flutt og vaksið
11 nýggjar pakkastøðir - nýtt samstarv m…
Bert ein ”lítil” viðmerking til Gunvu vi…
KÍ rómur á Djúpumýru
KÍ leikarar­nir farnir gongutúr
Rehabilitering í heimsflokki á Klaksvíka…
Tummas: Fara á vøllin við øllum føroying…
Tit eru fantastiskir, KÍ!
Upptakt: Dundalk FC-KÍ