Tá dysturin í Wales var í gjár millum Connah’s Quay Nomads og Dinamo Tbilisi, so var korona farið at raka heimaliðið uppundir dystin. Fýra leikarar blivu kannaðir positivir og ein afturat føldi sjúkueyðkennir. Tríggir aðrir leikarar føldu seg illa, men spældu. Heimaliðið hevði bara 14 leikarar á dómaraseðlanum. Í Wales hava milar skriva um hetta og at dysturin undir vanligum umstøðum hevði verið avlýstur. Men heimaliðið segði seg hava fylgt øllum mannagongdum frá UEFA og venjarin sigur við Daily Mail, at hann mátti bara venda blinda eyga til. Heimaliðið avrikaði óvæntað væl og hevði enntá møguleika at leggja seg á odda. Endin var tó at favorittarnir avgjørdu í yvirtíðini.

Komandi dagarnir fara at vísa, um korona hevur spreitt seg yvir á Dinamo Tbilisi undir hesum dystinum.