Lýsing
Lýsing

Lóg um Almannatrygd og tænastur høga raðfesting í fíggjarlógini

SKRIVAÐ: Tíðindaskriv  |  30.09.2020 - 16:34 Tíðindaskriv

Elsebeth Mercedis Gunnleygsdóttur hevur tryggjað sær fígging til nýggju almannalógina, sum varð einmælt samtykt í vár. Raðfestingarnar hjá landsstýriskvinnuni síggjast skilliga aftur á fíggjarlógaruppskotinum, sum varð lagt fram í dag.

Viðlíkahaldsvenjing er nýggj tænasta, sum Almannaverkið fær fígging til at fara undir. Fólk millum 18 ár og pensiónsaldur, sum orsakað av breki ella sjúku ikki fáa virkað til fulnar, kunnu fáa viðlíkahaldsvenjing.

Endamálið er at tryggja verandi virkisførleika og fyribyrgja og útseta, at virkisførleikin versnar. Soleiðis kann borgarin varðveita ella fáa tilknýti til arbeiðsmarknaðin ella klára seg uttan hjálp ella við minni hjálp frá Almannaverkinum.

Tvær milliónir eru settar av til endamálið í 2021, og ætlanin er, at tænastan verður útbygd sum frálíður.

Heimaráðgeving, uppsøkjandi arbeiði og samskipan verða styrkt. Higartil hava foreldur, sum hava børn við autismu, fingið heimaráðgeving. Nú verður henda skipan víðkað til øll foreldur at børnum, sum bera brek.

Almannaverkið fer eisini í størri mun enn higartil at kunna arbeiða uppsøkjandi og samskipa hjálp.

Játtanin til hesar tænastur verður hækkað við 2,1 mió. kr. 

Millum tænasturnar, sum Elsebeth Mercedis Gunnleygsdóttur hevur raðfest, eru eisini serlig bútilboð til heimleys, víðkað endurvenjingartænasta,  hækkað játtan til dagtilhald til fólk við demensi, eins og onnur bútilboð og virknistænastur.

Lóg um almannatrygd og tænastur, sum løgtingið samtykti í vár, kemur í gildi 1. januar 2021.

Landsstýriskvinnan í almannamálum, Elsebeth Mercedis Gunnleygsdóttur, fegnast um, at tænasturnar sambært lógini nú eru raðfestar í fíggjarlógini, soleiðis at nýggja almannalóggávan fer at virka.

 

 

Lýsing
Seinastu tíðindini
Heimabakstur og ítriv, tá hugnin fevnir…
Neyðugt við breiðari semju um veiðigjald…
Meira útróður
600.000 kr. til nýggjan buss til Trivna…
Tíð er til at handla - tíð er ikki til a…
Hvat merkir samgonga, og hvat er ein sam…
Útróðurin - toskurin letur bíða eftir sæ…
Jóla­konsertir: Útselt í Runavík – fá atg…
Mjølnir A vann g14 b bólkin
Hava róð fyri heilsuna
Jóla­skipið og Ársins Rósa - ikki í ár
Ingálvur av Reyni endaði sálmasangin í k…
Smoltstøðin á Glyvradali útbyggj­ast við…
Hjálparpakki 2: Í alt fimm milliónir kró…
Hvør er ársins fyrstuhjálpari 2020?
Elsebeth Mercedis Gunnleygsdóttur, lands…
Svarti fríggjadagur nærkast
Klaksvík millum Gentofte og Calcutta (nú…
Hvussu hevur tú tað? 2019
Stórsigur í toppdysti