Tað heldur Eyðólvur Vang, sum nú loysir Hera Vang av sum formann á Norðsøka. Ídag hevur Norðsøki verið vestanfyri Suðuroynna eins og í gjár. Í gjár hevði Norðsøki 10.500 pund og í dag 5.500. Nú sæst meira til toskin, við tað at teir í gjár høvdu 6.000 pund av toski og í dag 3.000 pund av toski.

Men prísurin á hýsu er so vánaligur, at eini 6.000 pund av hýsu onkran dagin ikki gevur meira enn fyri egning, segði Eyðólvur tá vit tosaðu við hann fyri løtu síðani.

Brandur hevur ikki verið úti í dag, men í gjár hevði hann 7.700 pund.Dalsenni avreiddi í dag 7.400 pund til Fiskamarknaðin.