Virðing fyri tínum skattakrónum!
Vit í Sambandsflokkinum hava allarstørstu virðing fyri tær. Tú, sum dagliga fert til arbeiðis, fert á sjógvin í øllum veðri, og tú, sum arbeiðir, tá onnur kunnu halda frí. Tú, sum hvønn mánaða leggur 21% av tínari forvunnu upphædd í kommunukassan.
Tað er tú, sum gert tað gjørligt, at kommunan kann grava, byggja og afsaltera. Tað verður tær fyri at takka, at vit framhaldandi kunna menna okkara kommunu - at vit kunna bjóða tær ta tænastu, sum ein góð og livilig kommuna skal kunna megna.
Vit hava so stóra virðing fyri tær, at vit ongantíð, ONGANTÍÐ høvdu stuðlað skilaloysinum, sum tú hevur verið vitni til hesi seinastu árini.
Hesar síðstu vikurnar hevur enntá valstríð verið rikið við tínum pengum - pengum, sum tú hevur lagt í kommunukassan, tá ið mánaðurin var liðugur.
Tú, sum leggur tínar pengar í kommunukassan, hevur krav upp á, at teir verða brúktir á skynsaman hátt og við góðari tilrættarlegging. Tá røkka teir longst og koma flestum til góðar. Tá kunnu vit í felag, við tínum pengum, menna Klaksvíkar Kommunu.
Við allarstørstu virðing,
Elian E. Elttør,
Valevni á lista B