Glenn Ståhl til KÍ
Svenski venjarin verður í starvi hjá KÍ í 2021.
Fyri nøkrum vikum síðani skrivaði Norðlýsið, at KÍ var í gongd við at umskipa ungdómsdeildina í felagnum. Hetta er nú komið rættiliga langt. Sum skilst er ætlanin at seta ein stjóra at stýra hesi nýggi verkætlanini. Norðlýsið hevur frætt frá fleiri keldum, at hesin stjórin verður svenski venjarin Glenn Ståhl. 49 ára gamli sviin er kendur í føroyskum fótbólti. Í 2018 vandi hann besta liðið hjá TB/FCS/Royn, har liðið fekk 28 stig og endaði á 7. plássi, meðan hann í ár vandi besta liðið hjá NSÍ við góðum úrslitum, áðrenn hann bleiv uppsagdur vegna ósemju við leiðsluna um framtíðarleistin í felagnum.
KÍ fer væntandi at kunngera nýggja leistin fyri ungdómsfótbóltin í næstum. Ein leistur, sum Glenn Ståhl kemur at standa á odda fyri.