Saman við Norðoya Listafelag og Edwardi varð avgjørt at seta upp eina standmynd av Fridtjof og eisini at seta upp eina framsýning á Spinnarínum í Klaksvík.

Men sum flestum kunnugt hevur covit 19 spent bein fyri mongum tiltøkum. Vit hava eisini verið rakt av almennu tilráðingunum. Tað eydnaðist tó at seta upp “Kvinnuna við Róðrið”. Men framsýningin á spinnarínum er sett niður til niðanfyri videoframsýning og so at bólkurin, Norðoya Listafelag, Edward Fuglø og Føroya Sjómannadagur hava fingið stóra listaverkið hjá Hans Hansen,  “Skip á Vágni” aftur til Klaksvíkar til ein fastan bústað á Spinnarínum Oman Eið, har tað ber til hjá øllum at síggja tað. Listaverkið hekk áður í Føroya Banka bygninginum á Fornagørðum, men endaði í BankNordik savninum í Havn. Nú er listaverkið so komið “heim” aftur: