Ráðstevnan varð hildin í samband við, at tað í fjør vóru 30 ár liðin síðani at Barnarættindasáttmálin varð samtyktur. Undir ráðstevnuni varð eitt tilmæli orðað, sum norðurlendsku Barna- og ungdómsráðini fara at handa sínum avvarðandi politikarum í morgin á altjóða Barnarættindadegnum.

Vegna Covid-19 verður tiltakið avmarkað við luttakarum, men vit vilja fegin bjóða miðlunum við til tiltakið, sum verður í Smæruni og byrjar kl. 12.00. Høvið verður til at tosa við Barna- og ungdómsráðið um tilmælini og eisini landsstýrisfólkini, sum fáa tilmælini handað.

Skrá:

• Barna- og ungdómsráðið bjóðar vælkomin.
• Barna- og ungdómsráðið heldur eina røðu
• Tilmælið verður handan landsstýriskvinnuni og Norðurlendska samstarvsráðharranum
• Kaj Leo Holm Johannesen sigur nøkur orð um Norðurlendska samstarvið
• Elsebeth Mercedes Gunnleygsdóttir, landsstýriskvinna sigur nøkur orð um tilmølini
• Barna- og ungdómsráðið takkar fyri.

Høvið verður so til at taka myndir, og at tosa við ráðið og landsstýrisfólkini.

Onnur, ið hava boðað frá luttøku eru Løgtingsins Umboðsmaður, sum eisini er Barnaumboðsmaður, Helgi Abrahamsen, landsstýrismaður og nøkur umboð úr Løgtinginum.