Jólakonsertir: Útselt í Runavík – fá atgongumerki eftir í Klaksvík
»Ársins Jólakonsert« er útseld í Runavík, og fá atgongumerki eru eftir til konsertina í Klaksvík leygarkvøldið
Næstu vikurnar fara Kim Hansen, Laila Carlsen og Malan Eyðunsdóttir at hava fimm jólakonsertir kring landið. »Ársins jólakonsert« kalla tey konsertirnar, sum verða í Klaksvík, Havn, Vestmanna og Runavík.
Forsølan til konsertirnar gongur væl, og nú er konsertin í Løkshøll í Runavík 18. desember útseld.
Fyrsta jólakonsertin við Kim, Lailu og Maluni verður á Spinnarínum í Klaksvík nú leygarkvøldið 28. november, og nú eru bert fá atgongumerki eftir til hesa konsert.
Konsertin í Silo í Havn 12. desember er somuleiðis næstan útseld. Konsertir verða eisini í Havn 5/12 og í Vestmanna 13/12, og har gongur sølan eisini væl.
Kim Hansen, Laila Carlsen og Malan Eyðunsdóttir bjóða inn til hugnaligar og nærverandi jólakonsertir, har tey fara at spæla kendar føroyskar og útlendskar sangir.
Atgongumerki fáast á heimasíðuni atgongumerki.fo