Johnny Olsen, Hans Pauli Ziska Jacobsen, Anfinn Hansen, Vilhelm Vilhelmsen og Pætur Gerðalíð eru fimm sera fegnir menn í hesum døgum. Teir eru júst vorðnir pápar og ein fitt mynd varð tikin av teimum øllum á gongini á føðideildini á Landssjúkrahúsinum. 

Mammurnar eru Eyðvør Klakstein, Ása Jóhanna Pólsdóttir, Durita í Toft Simonsen, Rebekka Reginsdóttir Jørgensen og Ása Gerðalíð. 

Røsku mammurnar hava tað allar gott, sigur Pætur Gerðalíð

Vit hava gjørt ein pápabólk á facebook, har vit deila myndir, video og eisini góð ráð, sigur Pætur smílandi. 

Um vit bakka 9 mánaðir, so raka vit mars/apríl, tá alt Føroyar varð latið aftur orsakað av koronafarsóttini, sigur Pætur at enda við Norðlýsið