Lýsing
Lýsing

Næmingaráðið ynskir at hava ávirkan

SKRIVAÐ: skulatrod.fo  |  18.01.2021 - 11:22 Tíðindi

11. desember var næmingaráðsval á Skúlatrøð. Vallistarnir vóru sterkir, og næmingarnir gjørdu eitt ávíst arbeiði fyri at verða valdir.

Næmingarnir á listunum vóru úr 4. til og við 9. flokki. Í 9. flokki var Leivur uppstillaður sum einasta valevni og var tí afturvaldur uttan val. Men hinir árgangirnir vóru á vali og fleiri valevni vóru at velja í – sjey úr 4. flokki, seks úr 5. flokki, fimm úr 6. flokki, sjey úr 7. flokki og trý úr 8. flokki.

Tá ið valúrslitið var greitt, vóru tað hesi, sum tóku sætið í næmingaráðnum á Skúlatrøð:

Hans Andrias fyri 4. flokk
Kaleb fyri 5. flokk
Pætur fyri 6. flokk
Birita fyri 7. flokk
Sonhard fyri 8. flokk og
Leivur fyri 9. flokk

Tey skipaðu seg eftir valið, har Sonhard gjørdist formaður, Leivur næstformaður, Kaleb kassameistari og Birita skrivari.  

Limirnir í næmingaráðnum hava ymisk hjartamál, ið tey ynskja at arbeiða fyri. M.a. at skapa trivnað á skúlanum, fáa fleiri talvborð í miðhøllina, at teir yngru næmingarnir fáa inniloyvi, fáa spegl inn í skúlastovurnar, ein betri vøll í skúlagarðinum og fleiri leikur, so meira er at gera í fríkorterinum. Eisini hevði verið deiligt við matarskipan á skúlanum, so matpakkin ikki var neyðugur.

Tosað varð um, hvussu næmingarnir kunnu arbeiða fyri at fremja tað, tey arbeiða fyri. Hvønn skulu tey seta seg í samband við o.s.fr. Og síðani er uppgávan at raðfesta. Hvat ber til at arbeiða við nú, og hvat skal arbeiðast við yvir longri tíð.

Nú verður spennandi at fylgja við, hvussu næmingaráðið fer at arbeiða. Skúlin virðismetir, at næmingar taka hetta í álvara, og at tey ynskja at hava ávirkan.
 

Lýsing
Seinastu tíðindini
Sjey lond samstarva um norð­uratlantiskt…
Handlar og handlandi í Norð­oyggjum á net…
Stórt KÍ blað í gerð
Morgun­venj­ingar á KÍ-akademi­num byrjaðu…
Klaksvíkar Handverkara­felag
Myndarøð: Mjølnir - Dráttur
Heilsan á altjóða kvinnu­deg­num 8. mars
Samrøðubólkur fyri Tvørkynd
Myndarøð: Flotaðu Klaksvíking í dag
Myndarøð: KÍ vann 4-0 á Svangaskarði í d…
Lands­fundu­rin hjá Miðflokki­num verður fr…
Er minkingin dokumenterað?
Kommunur­nar prógva sína ómegd
Andras S. Jacobsen yvirtekur Maverick
Dystar­veðrið B68 – KÍ
Okkara vakra náttúra
Mars máni - byrjar sum leyva, rýmir su…
Tíðindafundur um staðseting av nýggja Tj…
Mjølnir á heimavølli í dag
Upptakt: B68-KÍ