Jóhan Dahl er ímóti samgonguni
Vit hava eitt sera fjølbroytt og samansett samfelag, og er tað umráðandi, at tað er rúmd fyri øllum, eisini samkyndum foreldrum, sum fáa sær børn og samkyndum foreldrum, sum velja at ættleiða. Í teimum Føroyum, sum undirritaði vil vera partur av, skulu hesi fólk og børn teirra føla seg eins vælkomin at liva og virka og øll onnur í okkara samfelag, sigur Jóhan Dahl úr samgonguni
Álit er júst lagt fram í málinum um Uppskot til løgtingslóg um broyting í løgtingslóg um barsilsskipan, (samkynd verða javnsett við hinskynd foreldur).
Og í álitinum er greitt at Jóhan Dahl er partur av meirilutanum, ið er andstøðutinglimir og hann sjálvur. Meirilutin mælir til at samtykkja uppskotið.
Minnilutin - Jákup Mikkelsen og Beinir Johannesen úr samgonguni mæla løgtinginum frá at samtykkja uppskotið
Enn er ikki greitt nær 2. viðgerð verður á løgtingi.
Les álitið niðanfyri.
