Fiskivinnukjak er á Skúlatrøð í kvøld og sambært kjakinum er nógv sum bendir á at talan er um eitt søguligt kvøld. Tí Aksel V. Johannesen var greiður, Javnaðarflokkurin tekur undir við prinsippunum hjá samgonguni í mun til veiðugjøldini.

Allir flokkar saman við fólkum úr vinnuni hava viðgjørt spurningin um veiðugjald. Næsti leikur er at uppskotið um veiðugjaldi verður lagt fyri løgtingið fríggjadagin 26. februar.  

Soleiðis sum kjakið háttaði seg, er greitt at Aksel V. Johannesen vil hava ein slags C-ventil, soleiðis at tá gongst væl so skal veiðugjaldið verða hægri, enn tað sum samgongan ætlar. Hinvegin kann gjaldið eisini lækkað meira enn tað sum samgongan ætlar, tá tað gongst fiskivinnuni illa. 

Ruth Vang, forkvinna í Framsókn hevði eisini orðið og hon segði seg somuleiðis kunna partvíst taka undir við ætlanunum hjá samgonguni viðvíkjandi veiðugjøldunum. 

Tað er einans Høgni Hoydal, formaður sum heldur fast um fiskivinnupolitikkin frá undanfarnu setu.