Lýsing
Lýsing
Hann støkkur upp í útnyrðing-norðan í morgin ári, og har fer hann at liggja báðar páskadagarnar. Hitin fer at liggja um frostmarkið og eitt ella tvey stig niðurum. Kavaæl báðar dagarnar. | Mynd: World Atlas

Veðrið í vikuskiftinum

SKRIVAÐ: Hanus Kjølbro  |  03.04.2021 - 11:10 Tíðindi Veðrið

Nú er páskaaftan, og veðurforsagnirnar fyri páskirnar eru meira álítandi. Síðan seinasta mánadag, tá ið veðrið á páskum fyrst varð kannað, eru forsagnirnar ikki broyttar serliga nógv. Bert okkurt smávegis um vindferð, og um nær páskadag ættin fer at støkka upp í útnyrðing.

Í morgun er forsøgnin hendan fyri vikuskiftið hendan:

Á middegi í dag - páskaaftan - fer ættin úr vestri niður í útsynning-vestan. Vindferðin til eina ferð seint í kvøld fer at vera 8 til 13 m/s. Turt allan dag, og loftið eitt bland av øllum frá sól ella sólglottum til skýggjað. Hitin í dag liggur um 6-8 stig.

Seint í kvøld veksur vindurin eitt sindur, upp í 13 til 18 m/s. Tað fer at regna í nátt, og um 7-tíðina í morgin ári slítur í, og ættin støkkur upp í útnyrðing-norðan. Tá fer hitin at fella úr 6-8 stigum niður í frostmarkið ella longur niður. 

Tá ið ættin er farin upp í útnyrðing-norðan tíðliga á morgni, fer vindurin at minka niður í 10 til 15 m/s í eina løtu - til fram ímóti middegi. Seinnapartin er meiri vindur, um 15 til 20 m/s, og um kvøldið 18 til 23 m/s. 

Eftir at ættin er stokkin upp í útnyrðing-norðan, og tað er slitið í, fara kavaælingar at koma. Í fyrstanini á morgni fer at vera langt ímillum teir, men sum líður út á fyrrapartin og fram ímóti middegi gerast teir tættari, og soleiðis fer páskadagur í ár at vera. 

Annan páskadag fer ættin at liggja um útnyrðing-norðan, og vindferðin um 18 til 23 m/s. Kavaælingar allan dagin, og hitin fer at liggja um frostmarkið. 

Gleðiligar páskir verður ynskt øllum lesarum av veðurredaksjónini hjá Norðlýsinum.

 

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…