Lýsing
Lýsing
Lýsing

Heili sjey føroyameistarar í badminton

SKRIVAÐ: Jóhann Lützen  |  12.04.2021 - 22:47 Ítrottur Myndarøð Tíðindi

Aksel, Bjarnhild, Gunnva, Lena Maria, Miriam, Niclas og Rúni endaðu øll ovast á skamlinum í teimum fimm greinunum í badminton. Árligi Kontrast FM finaludagurin var leygardagin.

Fleiri sera spennandi finaludystir blivu leiktir í Høllini á Hálsi leygardagin, nú Kontrast FM Finaludagurin bleiv fyriskipaður í samstarvi millum BSF, Judosamband Føroya og Borðtennissambandið. Í badmintonfinalunum vóru fleiri heilt nýggj andlit at síggja, men í finalunum í einmansleiki hjá bæði kvinnum og monnum komu royndirnar vinnarunum til góða. Hetta staðfesti Magnus Gaard sum viðmerkjari í sjónvarpinum, tá Niclas Eysturoy endurvann FM hjá monnum fyri sættu ferð, og Gunnva K. Jacobsen fyri aðru ferð hjá kvinnum.

 

Gunnva og Niclas føroyameistarar í einmansleiki

Hjá kvinnunum gjørdist Gunnvá K. Jacobsen (HBF) føroyameistari eftir at hava vunnið eina spennandi finalu í trimum settum ímóti Miriam í Grótinum (HBF), sum sostatt fekk silvur. Bronsuna vunnu Bjarnhild í Buð Justinussen og Lena Maria Joensen úr KBF. Niclas Højgaard Eysturoy (HBF) vann gullið í mansfinaluni eftir ein intensan dyst ímóti Magnus Dal-Christiansen (HBF). Bronsuna vunnu Jónas Djurhuus og Aksel Poulsen, báðir úr HBF.

 

Bjarnhild og Lena Maria vunnu gull hjá kvinnum

Tær báðar Bjarnhild í Buð Justinussen og Lena Maria Joensen (KBF) vunnu í 3 settum á Miriam í Grótinum og Sissal Thomsen (HBF). Bronsurnar vunnu Mia/Sanna Thorkildshøj (HBF) og Oddbjørg í Buð Justinussen/Johanna Osberg Højsted (KBF).

 

Niclas og Aksel vunnu gull í tvímansleiki

Teir báðir garvaðu HBF leikararnir Aksel Poulsen og Niclas Eysturoy vunnu á teimum yngru Jónas Djurhuus og Magnus Dal-Christiansen frá HBF í finaluni. Bronsuna vunnu Rúni Øster/Hákun Thorkildshøj (HBF) og Hermann Eysturoy/Magnus Gaard (HBF).

 

Miriam og Rúni vunnu í blandaðum tvímansleiki

Tað var í eini spennandi finalu í trimum settum, at Miriam í Grótinum og Rúni Øster frá HBF vunnu á Gunnva K. Jacobsen og Magnus Dal-Christiansen, HBF. Bronsuheiðursmerkini vunnu Bjarnhild í Buð Justinussen (KBF)/Árant á Mýruni (MBF) og Niclas Eysturoy/Sissal Thomsen (HBF).

 

Finaludagurin leygardagin var endin á eini krevjandi FM kapping við teimum áleið 100 innleiðandi dystum hósdagin og fríggjadagin.

Lýsing
Seinastu tíðindini
Súnhild Langgaard er borgari nr. 1600 í…
Ein fotosafaritúrur um Mykines (Seinni p…
Ein fotosafaritúrur um Mykines (1. partu…
Umfatandi eftirlits­kann­ingar av línuskip…
10. ferð at KÍ kemur víðari í altjóða fó…
Samrøða við Hallur Joensen
Video: KÍ 2 - 0 SJK Seinäjoki
Gongur væl við KG
Norðborg á Norð­havnina
Borgar­stjó­rin heilsaði upp á gullvinnara…
Tollstríðið órógvar handilin
Lions stuðlar Sinnisbata
Lívsleiðis Hendingar
Bogi Bech Jensen: Sloyfa málið um 100% g…
Finalur­nar í einmansleiki klokkan 10
Klaksvíksdamur í finaluni í dag
Myndarøð: KÍ vann samanlagt 4-1 á SJK
KÍ kom aftur í ár víðari eftir sannføran…
Samuel Chukwudi takkargávu úr Klaksvík
Føroyskir viðmerkjarar til NSÍ dystin