Lýsing
Lýsing

Ímeðan vit bíðaðu eftir Smyrli

SKRIVAÐ: Tekst og myndir: Oliver Joensen  |  13.06.2021 - 23:09 Ítrottur Mentan Myndarøð Tíðindi

Sunnudagurin, fyri viku síðani, var seinasti dagur okkara á hesum túrinum í Suðuroynni. Dagarnar frammanundan høvdu vit brúkt frá tí eyguni fóru sundur á morgni og til langt eftir miðnátt til at fiska síl og ikki minst, at hyggja okkum um í Suðuroynni.

Nú hetta er seinasti dagur okkara, gjørdu vit av at koyra til Sandvíkar, har vit ikki høvdu verið fyrr á túrinum.

At vera ferðamaður í Suðuroynni er eitt sindur annarleiðis enn at vera ferðamaður í Norðuroyggjum. Í Suðuri er lættari at koma fram at at síggja tey sera vøkru umhvørvini vestan til á oynni. Har kanst tú næstan koyra til fuglabergini og drangarnar.

Á ferðini til Sandvíkar, valdu vit fyrst at koyra eftir gamla, ætlaða, vegin til Hvalba, eystur til Rituskor og Ásmundarstakk.

Vit fingu at vita, at farið var undir hendan vegin áðrenn tað kom upp, at møguliga fór ein tunnil at koma til Hvalbiar, tí steðgaði hetta vegaarbeiðið upp. Men í dag røkkur vegurin allan vegin eystur á eggina har.

Vit sóu lítlu brúnna um Trøllagjógv yvir á Rituskor. Brúktu rúma tíð at njóta sera vakra útsýnið her. Eisini gingu vit oman og norður við eggini at síggja Ásmundarstakk.

Haldi ikki at vit sóu lunda uppi í torvuni á stakkinum, har var mest havhestur at síggja. Men longur niðri á rókunum var fitt av lomviga ella álku at síggja.

Jú, her var ótrúliga vakurt. Einki er at ivast í, at her kundu vit brúkt nógv meira tíð enn vit høvdu hendan sunnudagin, nú vit skuldu passa okkum upp til Smyril.

Siglast skuldi kl. 17.30 og vit valdu at vera har um ein tíma áðrenn. Út eftir Tvøroyrarfirði høvdu vit sjávandi nógv at práta um, nú ein sílatúrur upp á tríggjar dagar var komin at enda.

Um tú hevur hug at seta teg meira inn í virksemið hjá Naddoddi, so er meira at finna á facebooksíðuni “Bátafelagið Naddoddur”.

Lýsing
Seinastu tíðindini
Seyða­sýningin fyri Borðoynna 2021 útsett…
Stórar tunnilsverkætla­nir elva til stóra…
Theodor H. Sólbjørg 80 ár
Títlingur lítli
Nýtt lag frá I AM
Tummas: Vit fara á fund seinnapartin
Ránsætlan Fólka­floksins
Gev okkum eina Bíbil
Fráboðan
Tiltakið útsett - 100 ára minnisløta fyr…
Áheitan frá Team Klaksvík
Korona órógvar lands­kappingina
Høgni Mohr við bókaútgávu
Borgar­stjó­rin: - Støðan er undir kontrol…
Samhaldsfesti heldur enn Tunnilsfesti
Fimleikafagnaðu­rin útsettur
Asfalts­arbeiðið á Klaksvíksvegnum
Heimaflotin og búskapar­frøðingurin
Lands­læknin: Smittutøl­ini helst yvir 100
Støða verður tikin um ársveitsluna mikud…