JFK hevði eitt úrslit á 20 mió. kr. eftir skatt, meðan Kósin hevði eitt úrslit á 2,5 mió. kr.  eftir skatt.

Lítli parturin av makrelkvotuni hjá P/F Næraberg sæst aftur í úrslitinum, sum var eitt hall upp á 6,7 mió. kr. eftir skatt, harav úrslitið hjá dótturfelagnum P/F Meðalsbrekka, ið hevur partrolarar var eitt hall upp á 3,8 mió. kr. Úrslitið er eisini ávirkað av, at P/F Næraberg hevði tap av at selja Slættaberg. Felagið hevur goldið tilfeingis- og uppboðssølugjald á uml. 50 mió. kr. í landskassan.

Samlaða úrslitið í samtakinum er harumframt ávirka av corona har serliga fiskaprísirnir fullu, men vit vænta frægari úrslit í ár fyri samlaða samtakið.

Bygging av nýggja Gadus gongst sum ætlað, og væntandi stevnur skipið inn á Klaksvík til jólar 2022.