Nú er enn ein fyritøka sprottin úr fríska og dygdargóða gróðrarlendinum, ið er norðanfjørs. Talan er um nýggju fyritøkuna Climashop, ið er sett á stovn av eigarunum John Daniel Guðjonsson, Mikkjal Olsen og Høgna Waag Høgnesen.

Teir báðir fyrstnevndu hava slitið sínar barnaskógvar í Klaksvík, ímeðan síðstnevndi hevur síðar røtur í Klaksvík og er oldurabbasonur íverksetaran Símun í Vági, sum stovnsetti stórfyritøkuna Føroya Bjór í 1888.

Eins og hjá Símuni í 1888, so er endamálið við Climashop, at hon skal vinna hjørtuni hjá føroyingum.

Nú grøna orkuskiftið er í hæddini, hava ungu spírarnir gjørt júst tað, sum íverksetar eiga at gera. Teir tóku vágan og stovnaðu fyritøkuna Climashop.fo og sambært eigarunum hava føroyingar tikið sera væl undir við nýggju fyritøkuni. Longu nú sæst, at “slokkarnir” grønkast og fleiri orkuloysnir eru seldar til føroyingar.

Nethandil

Vanligt er, at brúkarin skal ómaka sær at ringja til ein veitara, men við Climashop.fo kann brúkarin, við bert fáum “klikkum,” seta flugubein við júst tað, hann hevur brúk fyri og samanseta sína egnu loysn.

Tá húsastødd, byggiár og bjálvingarmongd er vald, vísir heimasíðan kundanum júst ta orkuloysn, sum er egnað til kundans hús. Er hetta endaliga úrslitið, kundin vil hava, so verður valda orkuloysnin pakkað og send við fyrsta farti.

Climashop hevur til endamáls at gera tað lætt og ómakaleyst at velja orkuloysnir. Har hava teir helst rakt seymin á høvdið.

Veitan og uppsetan

Kundin kann velja at fáa orkuloysnina uppsetta av serkønum fólki á økinum. Climashop.fo hevur samstarv við Sp/F Signar Kallsberg, ið hevur adressu á Viðareiði og er kendur fyri sína skjótu og góðu tænastu.

Við serkønum fólki at uppseta valdu vøruna, so kann sigast, at Climashop.fo ikki smæðist burtur, tá talan er um hitapumpur og aðrar orkuloysnir.

Royn Climashop.fo, tað er sera einfalt.