Tað bleiv eitt av størstu úrslitunum hjá føroyskum landsliðsfótbólti nakrantíð, tá Føroyar fingu javnleik móti Fraklandi í Gundadali í kvøld.

Frakland kom á odda, men tíðliga í seinna hálvleiki javnaði Steffan A. Løkin fyri Føroyar. Føroyska liðið vardi sera væl og helt Fraklandi frá tí mesta og fekk javnleikin, sum er eitt framúrskarandi úrslit fyri føroyskan fótbólt.

KÍ var umboðað við miðverjanum Børga Petersen. Hann spældi allan dystin og spældi ein sera góðan dyst. Á liðnum hjá Fraklandi vóru m.a. málverjin hjá Leeds, Illan Meslier, nýggjasta stórkeypið hjá Real Madrid, Eduardo Camavinga (nr. 10) og toppskjúttin í bestu deildini í Fraklandi, Amine Gouri (nr. 11).

Oliver Joensen var í Gundadali og tók myndir frá minniliga landsdystinum, ið kunnu síggjast niðanfyri.