Team Klaksvík varðveitir oddasessin í bestu mansdeildini eftir heimasigur í dag.

Neistin kom betri frá byrjan og førdi 16-13 í einum málríkum dysti. Í seinna hálvleiki var gongdin tann sama fram til miðjan hálvleiki, tá Team Klaksvík kom á odda og varðveitti leiðsluna. Úrslitið gjørdist 35-32 til Team Klaksvík.

Lokali Jens Pauli Mohr skoraði heili 10 av málunum hjá Team Klaksvík og gjørdist toppskjútti í dystinum. Hini málini skoraðu Valentino Valentakovic (7), Vilhelm Vilhelmsen (5), Vuk Stevanovic (3), Sámal á Tjaldrafløtti (3), Tummas Simonsen (3), Hans Arni B. Thomsen (2), Ludvík Súnason og Jan Eli Ragnarsson.