Veðrið í vikuni
Hann fer at liggja av ættunum millum sunnan og eystan næstan alla vikuna – fyri tað mesta av landsynningi. Okkurt avbrot verður tó. Týsnátt og -morgun er ættin um útsynning.
Hitalagið fer eitt vet uppeftir – fer fyri tað mesta at liggja um 4 til 6 stig um dagin. Luftin, sum rekur til okkara, kemur av leiðum nakað væl sunnanfyri.
Einki illveður í vikuni, sum kemur. Onkrar løtur eru 13 til 18 m/s, men fyri tað mesta 10 til 15 m/s. Eisini verða løtur við lítlum og ongum vindi.
Veðrið í vikuni – dag fyri dag:
Mánadag: Landsynningur sunnan, 8 til 13 m/s. Eina løtu seinnapartin landsynningur, 13 til 18 m/s. Skýggjað og regn ella ælaveður.
Hitin fer at liggja um 5-6 stig.
Týsdag: Fyrrapartin útsynningur, 5 til 10 m/s, seinnapartin eystan, sama vindferð. Skýggjað og okkurt ælið fyrrapartin. Seinnapartin yvirhøvur turt.
Hitin fer at liggja um 5-6 stig.
Mikudag: Fyrrapartin landsynningur, 10 til 15 m/s, seinnapartin minkar vindurin niður í 8 til 13 m/s. Skýggjað og okkurt ælið um morgunin og út á fyrrapartin. Seinnapartin yvirhøvur turt og møguliga sólglottar.
Hitin fer at liggja um 5-7 stig.
Hósdag: Landsynningur sunnan, 10 til 15 m/s. Út á seinnapartin landsynningur veksur vindurin upp í 13 til 18 m/s. Skýggjað allan dagin, regn fyrrapartin; ælaveður seinnapartin.
Hitin fer at liggja um 6-7 stig.
Fríggjadag: Landsynningur, 13 til 18 m/s, minkandi út á fyrrapartin niður í 10 til 15 m/s og niður í 8 til 13 m/s um kvøldið. Skýggjað og smávegis æl allan dagin.
Hitin fer at liggja um 6 stig.
Leygardag: Um morgunin 8 til 13 m/s av landsynningi suðuri. Út á fyrrapartin veksur vindurin upp í 13 til 18 m/s. Seinnapartin fer aftur at minka. Um kvøldið eru 8 til 13 m/s av suðuri. Skýggjað og ælaveður fyrrapartin, regn seinnapartin og um kvøldið.
Hitin fer at liggja um 5-6 stig.
Sunnudag: Útsynningur, 5 til 10 m/s. Seinnapartin 3 til 8 m/s. Skýggað og ælaveður allan dagin.
Hitin fer at liggja um 6-7 stig.