Í dag var fyrsti venjingardysturin í ár leiktur í góðum fótbóltslíkindum í Klaksvík. Talan bleiv um ein typiskan fyrsta venjingardyst, har lítið samanhangandi fótbóltsspæl var at síggja. Liðini vóru tó effektiv, tí tey skoraðu uppá nærum allar møguleikarnar, ið vóru í dystinum. NSÍ vann 2-1 við sigursmáli í síðstu løtu. Spælt bleiv tvær ferðir 30 minuttir. Nýggi NSÍ-venjarin, Todi Jónsson, er ikki komin til landið enn, og tí var tað høvuðsungdómsvenjarin, Bill M. Jacobsen, sum stóð á odda fyri liðnum.

KÍ-NSÍ 1-2 (1-1) (Leiktíð: 60 min.)

0-1: Búi Egilsson (Upplegg: Mórits Heini Mortensen)

1-1: René S. Joensen (Upplegg: Árni Frederiksberg)

1-2: Aron Knudsen (Upplegg: Teitur Knudsen)

KÍ (4-3-3): Mathias Rosenørn - Jesper Brinck, Børge Petersen, Deni Pavlovic, Patrick Da Silva - Jákup B. Andreasen, Claes Kronberg, René S. Joensen - Árni Frederiksberg, Páll A. Klettskarð, Mads B. Mikkelsen. Í hálvleikinum komu Meinhardt P. Joensen, Óli Ey. Poulsen, Jonn Johannessen og Jóannes Bjartalíð inn. Seinnu komu Olaf K. Hansen, Dávid B. Andreasen, Símun Kalsø og Tóki á Lógv inn.

NSÍ (4-2-3-1): Dánjal Danielsen - Pætur Hentze, Oddur Á. Højgaard, Hans Marius Davidsen, Pætur Skipanes - Sølvi Sigvardsen, Mórits Heini Mortensen - Aron Knudsen, Jógvan Højgaard, Jørgen Nielsen - Búi Egilsson. Í seinna hálvleiki gjørdi NSÍ fleiri útskiftingar, har yngri óroyndir leikarar komu á vøllin.