Lýsing
Lýsing
Lýsing

Armenia er tema á Holocaustdegnum í ár

SKRIVAÐ: Tíðindaskriv  |  26.01.2022 - 08:08 Mentan Tíðindaskriv

Á Holocaustdegnum 27. januar 2022 fer Nám at varpa ljós á landið Armenia og tað fólkadráp, sum Ottomanska Ríkið setti í verk har í landinum í 1915. Hetta er fyrsta fólkadráp í 20. øld.

Tvøroyrar skúli er lokalur vertur fyri tiltakinum, sum fer at bjóða øllum skúlum og áhugaðum vælkomnum, eins og gjørt varð í fjør úr Skúlanum við Streymin, tá evnið var Bosnia.

Pallur fyri tiltakinum í ár er mentanarhúsið Salt, haðani stroymt verður.

Uppgávur eru gjørdar á holocaust temasíðuni hjá Nám.

Temasíðan sæst her: https://snar.fo/holocaust#c221118

Støðið verður millum annað tikið í frásøgn frá armenska Serj Tankian, ið er sangari í heavy rock bólkinum System of a Down. Hann hevur lovað armenska abbanum, aldri at gloyma tað fólkadráp, sum núverandi Turkaland setti í verk móti armenska fólkinum. Báðar ommurnar og báðir abbarnir hjá Serj vóru yvirlivarar.

Ólavur í Geil, sum samskipar tiltakið, tosar við armenska sangaran.

Vit hoyra ein armenskan journalist siga frá um støðuna í Nútíðararmenia, og á temasíðuni eru eisini uppgávur, sum Sámal Matras Kristiansen hevur gjørt um landið í dag.

Prát er eisini við Tóru Petersen, sum greiðir frá, hvørjir sálarfrøðiligar faktorar gera seg galdandi, tá vit skulu finna syndabukkar í eini roynd at skilja millum okkum og hini.

Øll kunnu fygja við, tá Holocaustdagurin verður hildin fyri skúlanæmingum í Salti hósdagin kl 10:00-11:30.

Her er opna temasíðan hjá Námi við tilfari um Holocaustdagin: https://snar.fo/holocaust#c221118

Lýsing
Seinastu tíðindini
Fleiri íbúðir ávegis í Klaksvík
Søgan um Merle Haggard (7:9)
Søkt verður eftir tveimum starvs­fólkum t…
Gøtan út á Nes liðug
Annika Lindenskov vald í altjóða oyggjal…
Brot frá 2-1 sigrinum í Finlandi
Mjølnir aftur til Hollands
Badminton vann silvur í liðkapping­ini
Runnu seg til fleiri heiðursmekir
Thorvald: Hesum vilja vit helst møta
Borgar­stjóraheilsan: Her er gott at vera
Fuglalív í Haraldssundi
Stevna hjá Jehova vitnum
Stenberg hitt Zelenskyy í Kyiv
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival
Stórar útbyggingar í Fuglafirði