Freistin at søkja stuðul er 10. mars, og allar innkomnar umsóknir verða viðgjørdar á nevndarfundi fyri grunnin.

Tá ið Klaksvíkar Sjónvarpsfelag varð avtikið í 1987, varð peningaognin hjá felagnum sett í grunn, sum fekk navnið Klaksvíksgrunnurin, og hesin hevur til endamáls at stuðla vælgerandi tiltøkum í Klaksvík og Norðoyggjum innan mentan, upplýsing og annað.

Stuðul verður í størst møguligan mun latin tiltøkum, sum eru Klaksvík og Norðoyggjum til mennan og frama, tað verið seg mentunnarlig, sosial, upplýsandi og onnur tiltøk.

Umsóknir til Klaksvíksgrunnin skulu sendast via hetta oyðublaðið, ella sum teldupostur til klaksviksgrunnurin@klaksvik.fo. 

Viðtøkur fyri grunnin kunnu lesast her: Um Klaksvíksgrunnin