Borgarstjórin, Karl H. Johansen, sum er byggiharri fyri verkætlanini og Sonja R. Kjølbro, ið er forkvinna í Klaksvíkar Róðrarfelag, sum skal brúka húsið, møttu upp til hesa spennandi løtu, tá ið kranarnir hjá Malltek, sum Andreas Josephsen stendur fyri, fóru til verka.

Tíðarætlanin sigur, at bygningurin skal standa liðugur í november 2022. Nú tori eg at trúgva uppá tað, segði ein ovurfegin Sonja, forkvinna í Klaksvíkar Róðrarfelag í mogun.

Hon og borgarstjórin høvdu nógv at snakka um og samgleðast um, tí nú sæst skjótt eftir. Øll timburelementini eru gjørd og liggja á byggiplássinum, so húkakroppurin stendur upp hesa vikuna, greiddi Andreas Josephsen frá. Í næstu viku verða sperrurnar reistar á bygninginum eystanfyri, har bátarnir skulu standa.

So um stutta tíð er enn ein bygningur í miðbýnum liðugur