Lýsing
Lýsing
Lýsing

Dartkappingarnar í gongd aftur

SKRIVAÐ: Tíðindaskriv  |  15.08.2022 - 09:41 Ítrottur Tíðindi

Nú summarferian endar, so byrja dartkappingarnar aftur. Fyrsta kappingin eftir summarferiuna, verður á Skála leygardagin. Hetta er sætta kappingin í ár. Kappingin er soleiðis skipa í ár, at teir bestu spælarnir eru í einum A bólki fyri seg sjálvar, og teir meir óroyndu í einum B bólki, so tað er møguligt hjá tí nyggja spælaranum, at koma og royna seg, og hava ein møguleika at verða við í dystunum. Talan er um opna kapping, so ein og hvør kann melda til. Kappast verður baði hjá kvinnum og monnum. Tilmelding fer fram á heimasíðuni dartfo.com og skal tinmeldingin verða DSF í hendi aðrenn mikukvøldið á midnátt.

 

 

Landsliði úttikið

Í gjøgnum summari hava landsins bestu spælarar tó ikki havt nógv frí, samlast hevur verið til landsliðssamlingar hjá baði kvinnum og monnum. Hetta í samband við at landsliðini baði skulu til Gandia í Spania seinast í septembur til EM. Hetta er fyrstu ferð síðani DSF gjørdist limur í WDF, at Føroyar sleppur at royna seg í eini EM kapping. Í tí sambandi, so verður endaligu landsliðini úttikin aftana kappingina leygardagin.

 

 

Dart hevur tað gott og tó

Korona farsóttin fór illa við dart ítróttargreinini, serliga sæst hetta aftur á kvinnusíðuni, har tað í ár bert hava verið 8 kvinnur við. Føroyameistarin í 2021 Beinta Joensen úr Klaksvíkar Dartfelag hevur verið á einum støði fyri seg sjálva, og førur klárt ratinglistan hjá kvinnum. Dart er ein ítróttargrein har øll kunnu verða við, tað krevst ikki tann stóra útgerðin, men bara viljin til at gerast betur. Og aftanfyri tað liggur nógv venjing.

Hjá monnum er meir javnt, í løtuni liggja Uni Árting og Jan McIntosh úr Havnar Dartfelag fremstir, og vóru tað júst teir baðir, sum fyrr í ár fingu eina bronsu medalju í tvímansleiki til norðurlanda meistaraheitið. Men beint í hølunum á teimum, eru fleiri sum saktans kunnu gera seg galdandi í toppinum. So spennandi verður nú, tá serliga tey sum hava verið rundan um landsliðini skuldu verið í top formi

Lýsing
Seinastu tíðindini
Team Klaksvík fær vitjan av KÍF
Vit elska Klaksvík og KÍ
Stjørnan og EB sunnudagin kl. 13.30
Verður tað í morgin, at KÍ endur­vinnur F…
Nýggjur Gadus birtir vón
Frits væl fagnaður í Gallarí Havnará
ES-innflutn­ingur av russiskum flótandi n…
Umboð fyri Nes kommunu vitjaðu dagstovna…
Nýggjar kloakkir á Eiðinum
Russland og Ukraina samstarva um, at hal…
Bretar handla við Russland i milliardakl…
Hvar blivu lyftini um lættar og yvirskot…
Samstarvið við ES eigur at styrkjast
Fíggjar­lógin avspeglar máttloys hjá samg…
- Hetta veit vist nokk líka nógv um búsk…
Nordea-grunnurin vil stuðla við 100 mió.…
Býráðsminnilutin givið Anniku nevndarses…
Heimskendu Orphei Drängar vitja Varpið
Fíggjar­lógin 64 milliónir í halli
Leitar eftir upplýsingum um flatmaðk