Lýsing
Lýsing
Lýsing
Í góðveðrinum í gjár sóust fyrsti teknini, at tað fer at blíva gráari í veðrinum. Frostrípurnar, ið flogførini gjørdu ímillum 12 og 15 km oman fyri jarðarknøttin, fóru ikki upploysn skjótt, men vóru hangandi leingi. | Mynd: Hilda Sjúrðardóttir

Veðrið í vikuni

SKRIVAÐ: Hanus Kjølbro  |  11.09.2022 - 17:00 Tíðindi Veðrið

Nú er broyting í veðrinum at síggja. Vit hava havt liggjandi eysturætt í næstan tvær vikur við nógvum døgum við góðum veðri.

Hetta mynstrið verður nú broytt. Lágtrýstið, sum gevur okkum regn í dag, fer at leggja seg yvir Norra næstu 5 dagarnar og draga luft norðaneftir niður ímóti okkum. Sum viðurskiftini eru í morgun, so er tað ikki fyrr enn fyrr enn næsta vikuskiftið nærkast, at tað fer at missa sín mátt.

Ikki líka nógvar løtur við góðum veðri í vikuni sum kemur. Í ein stóran mun skýggjað og fleiri dagar við regni.

Veðrið í vikuni – dag fyri dag:

Mánadag: 3 til 8 m/s av ymsum ættum um náttina og morgunin, men út á fyrrapartin 5 til 10 m/s av útnyrðingi. Skýggjað og regn ella ælaveður fyrrapartin. Tað slítur í út á seinnapartin. Um kvøldið turt fyri tað mesta.

Hitin mánadagin fer at liggja um 10 til 12 stig.

Týsdag: 3 til 8 m/s av vestri. Samdrigið og fyri tað mesta turt – tó okkurt æl í støðum.

Hitin týsdagin fer at liggja um 10 til 12 stig.

Mikudag: 3 til 8 m/s av norði. Skýggjað og regn ella ælaveður.

Hitin mikudagin fer at liggja um 9 til 11 stig.

Hósdag: 5 til 10 m/s av norði. Skýggjað og ælaveður.

Hitin hósdagin fer at liggja um 8 til 11 stig.

Fríggjadag: 3 til 8 m/s av norði um náttina, men út á morgunin vestan, 2 til 7 m/s. Samdrigið og yvirhøvur turt.  

Hitin fríggjadagin fer at liggja um 8 til 10 stig.

Leygardag: 3 til 8 m/s av vestri, sum hækkar upp í norðan seinnapartin, 5 til 10 m/s. Skýggjað og regn ella ælaveður.

Hitin leygardagin fer at liggja um 9 til 12 stig.

Sunnudag: Hann fer at mala úr ymsum ættum um náttina og fyrrapartin, men seinnapartin er sunnan, 5 til 10 m/s. Samdrigið og turt, men út á dagin skýggjað og regn.

Hitin mánadagin fer at liggja um 10 til 13 stig.

 

 

 

 

 

 

Lýsing
Seinastu tíðindini
Burðardygg føroysk framleiðsla - minni C…
Morgunsangur mikumorgunin í Christianski…
Klaksvíkar sløkkilið fingið nýggjan stig…
Spæl í alskyns útgávum
KÍ tekur frástøðu frá atburði­num hjá høv…
Enn bara snakk hjá samgonguni
Hvat er ein góður miðbýur?
Eldrahugni í Betesda
Hvussu hevur tín grái posi tað?
Toskakvotan á Flemish Kap hækkar 50 pros…
Grótverjan í Oyrunum og nýggj íbúðarbygg…
Óli Breckmann livir framvegis í oljuøldi…
Mjølnir vann stórsteypadystin
Fjallgonga fyrr og nú
Tunnilstankar – eina ferð afturat
Elsti kontórbygn­ingur í Føroyum, letur d…
Bjálvingin um at ríva seg leysa
Desperatur fólkatings­maður
Ódnin hevur bert havt smáskaðar við sær
Novo Nordisk Fonden játtar 123 mió. kr.…