Tað var ongantíð nakar ivi um, hvat betra liðið var, tá Stjørnan og Kyndil hittust í KÍ-høllini í dag. Kyndil tók leiðsluna frá byrjan av, og hevði leiðsluna allan dystin, tó var Stjørnan nøkulunda við stóran part av fyrra hálvleiki. Hálvleiksstøðan var 9-14 til Kyndil.

Tað sá út sum um at stjørnuleikararnir vóru nóg tendraði frá byrjan av, og tað var ov lítið hugflog yvir spælinum hjá teimum. Tað var nógv meira ferð og vilji yvir spælinum hjá Kyndil, og hevði Stjørnan stórar trupuleikar við at steðga Turið Arge Samuelsen, sum næstan ótarnað kundi skjóta mál ferð eftir ferð, hon bleiv eisini topp skjútti hjá Kyndil við 20 málum.

Sum seinni hálvleikur leið, økti Kyndil støðugt um leiðsluna, og enda dysturin við einum greiðum 33-23 sigri til Kyndil. Tó var tað ein leikari hjá Stjørnuni sum kann verða nøgdur við sítt avrik, tað Mina Sirdal Hendriksen, hon gjørdist eini toppskjútti hjá Stjørnuni við 12 málum.