Lýsing
Lýsing
Lýsing

Grótverjan í Oyrunum og nýggj íbúðarbygging á Regnavegnum

SKRIVAÐ: Jóhann Lützen  |  26.09.2022 - 20:02 Tíðindi

Á bygdaráðsfundi tann 27. juni 2022 samtykti bygdaráðið í Nes kommunu at taka av lægsta tilboðnum, sum RTS átti, at leingja grótverjuna í Oyrunum áleið 80-90 m. Grótið verður útvegað úr bakkanum norðan fyri Saltsøluna, og nøgdin er uml. 38.000 m3. LBF og Terra eru ráðgevandi. LBF hevur gjørt projekteringsarbeiðið og fer at hava eftirlitið, meðan Terra útvegar neyðug loyvi.

Tilboðsgevararnir hava givið tvey tilboð hvør. Tilboð A, sum umfatar arbeiðið at gera grótverjuna í Oyrunum 80-90 m við at spreingja grót úr bakkanum norðan fyri Saltsøluna, og tilboð B, sum umfatar at taka ímóti og leggja grót frá møguligu íbúðarverkætlanini á Regnavegnum. Við tí grótinum, sum er mett til 70.000 m3, ber til at leingja grótverjuna áleið 100 metrar afturat, ella íalt 180 m.

Í juni varð eisini samtykt, at tilboð B verður ikki sett í verk, fyrr enn vissa er fingin fyri, um íbúðarverkætlanin á Regnavegnum verður framd.

Fyrr í summar bjóðaði Nes kommuna út lendið við Regnavegin, beint sunnan fyri Svangaskarð, á leið 8.800 m2, alment til sølu til íbúðarbygging.

Seinastu tíðina hava samráðingar verið við nýstovnaða felagið Sp/f Skákið við Høgna Petersen, Saltnes. Felagið ynskir at keypa lendið til íbúðarbygging og at byggja upp til 70 íbúðir í økinum.

Á bygdaráðsfundi í kvøld varð samtykt at selja matrikkul 264i,  áleið 8.800 m2, til Skákið, har treytað er, at kommuan eigur grótið. Eisini varð samtykt at taka av teirra tilboði um lessing og koyring av gróti oman í Oyrarnar. Somuleiðis samtykti bygdaráðið at taka av tilboði B frá RTS um móttøku og útlegging av gróti í Oyrunum.

Íalt er mett, at verkætlanin fer at kosta kommununi umleið 13 mió. kr.

Nes kommuna metir, at hetta er ein spennandi verkætlan, sum fær kyrru í Oyrahavnina og leggur lunnar undir eina byrjan til at gera Oyrarnar til eitt miðstaðar- og trivnaðarøki.

Nes kommuna fegnast eisini um, at íleggjarar hava áhuga og vilja at gera íløgur í eina nýggja íbúðarbygging í okkara øki, sum við Eysturoyartunnlinum er vorðið partur av miðstaðarøkinum í Føroyum.

 

 

Lýsing
Seinastu tíðindini
Býráðsfundur mikudagin 24. apríl
Søguløta á Klaksvíkar bókasavni
Upptakt: KÍ-HB
Steypabrak í Klaksvík mikukvøldið
Trygd høvuðsstuðul hjá Badmintonsamb­andi…
Teitur Lassen nýggjan sáttmála við Editi…
Grøni Háskúlin letur uppaftur
Gongd á samráðingu­num hjá arbeiðarafeløg…
ABBA ” Show ” á Gníst í Nólosy 6. juli
Kavarar stóran týdning fyri alivinnuna
30 leiguíbúðir afturat – Miðbýurin í Kla…
Seafood Expo Global í Barcelona sett
GRÓA er ein bólkur vit máttu hava á G!
Grindamanna­felagið haft aðalfund
Flaggdagshald í Vágstúni 
Vøkur gáva til Varpið
Nýtt býráðsborð
Vinnan á ferð við 62°N Vinnu
30 nýggjar leiguíbúðir í Klaksvík
Vælkomin til Ársmøti – ein dagur við fel…