Í dag varð seinasta hond løgd á anleggið til uppsamling av CO2 frá bjórframleiðsluni á Føroya Bjór.

Dalum Beverage Equipment hevur útvega nýggju tøknina, ið ger, at vit spara náttúruna og umhvørvið fyri CO2 og at nærum onki CO2frá bjór framleiðsluni framyvir fer út í atmosferuna.

Tað var ein errin veitari, ið handaði stjóranum á Føroya Bjór hesa CO2 vinaligu loysnina á Føroya Bjór í dag.

Ein burðardygg vinna

Føroya Bjór hevur síðani 1888 strembað eftir at arbeiða burðardygt. Endurnýtsla, umframt at ansa eftir spill framleiðslu, er ein partur av grønu menningarætlanini hjá Føroya Bjór. So hendan nýggja íløgan er sanniliga eitt stórt stig á grønu kósini siga tey frá Føroya Bjór.