Lýsing
Lýsing
Lýsing

Eingin lokalpolitikari – Eingin fótbóltshøll

SKRIVAÐ: Hera Danielsen  |  24.11.2022 - 07:30 Politikkur Tíðindaskriv

Á fíggjarlógini fyri 2022 eru 5. mió. kr. játtaðar til eina fótbóltshøll. Eftir nógv vallyftir og kjak, vóru tað nokk fleiri av okkum, ið hvukku við, tá vit lósu: ” Projekteringin av fótbóltshøllini er ikki gjørd, og støða er ikki tikin til nakra staðseting”. Hvussu í allari víðu verð ber hetta til?

 

At FSF kemur at hava ábyrgd av tílíkari verkætlan er eitt. FSF hevur allatíð sagt, at teir ikki ætla at fara í gongd við tílíka verkætlan fyrrenn Tórsvøllur var liðugur. So tað hevur verið greitt, at teir ikki ætlaðu at byrja í 2022, so hví játta 5 milliónir? Var hetta bert fyri, at føroyingar skuldu geva verandi samgongu ein ’tummil upp’?

So er tað staðsetingin. Hvussu ber tað til, at vit á Skálafjørðinum í mong ár hava hildið, at tað var sjálvsagt, at høllin skuldi byggjast á Skálafjørðinum? Jú, tí tað er tað, ið okkum hevur verið lovað í nógv ár. Stigtakarar hava verið á Toftum, har Nes Kommuna hevur nýtt pening til tekningar og ávegis projektering av fótbóltshøll. Runavíkar kommuna hevur eisini havt tað við í sínari langtíðarætlan. So tað átti ikki verið nakar ivi í, hvar høllin skal staðsetast. Tí er tað mær ótrúligt, at okkara sokallaðu lokalpolitikarar á Skálafjørðinum ikki hava torað at traðka í karakter og sett sum krav, at staðsetingin av eini fótbóltshøll skal vera á Skálafjørðinum.

Ein áhugabólkur á Strondum legði fram ætlanir um stórhøll á Strondum, men hesin fekk lítlan og ongan stuðul frá okkara lokalpolitikarum og nú verður høllin bygd í Tóshavnar kommunu.

Nú fíggjarárið 2022 er við at fara aftur um bak eru hesar 5. mió. kr. óbrúkar. Tær standa og samla støv ella fella burtur.

Fíggjarlógaruppskotið fyri 2023, sum samgongan legði fram áðrenn løgtingsvalið varð útskrivað, hevði onga játtan til nakra fótbóltshøll. Nú, tá Tórsvallarætlanin hjá FSF er liðug, og tíðin er komin til at byggja eina fótbóltshøll, tykist tað sum, at verandi samgonga, við okkara sokallaðu ”lokalpolitikarum”, ikki hevur ætlanir um at byggja nakra fótbóltshøll.

Fótbóltshøllin skal byggjast og hon skal byggjast á Skálafjørðinum.

Eg fari at arbeiða fyri Skálafjørðinum um eg komi inn um tinggáttina.

 

X við Sjálvstýri, X við Hera Danielsen

 

Lýsing
Seinastu tíðindini
SÍ á odda, men Fleyr ætlar meira
Summir samfelagsbólkar verða skattaðir a…
Allir føroyingar eiga at sleppa at njóta…
Trygg vælferð og rættvíst ískoyti til he…
Russara­sáttmálin
Jóla­trø­ini í KALSOY
Tjóðsangu­rin, felagsskapu­rin og íblástur…
Crescendo á fyrsta sinni á Skúlatrøð
Aftursvar til Tord J Niclasen
Øll skulu hava møguleika til varandi bús…
KREPPUHJÁLP TIL BREKØKIÐ - TALSFÓLK ER N…
Hví skulu vit melda okkum inn í alheims…
Tunnilin í Gøtudali
Lítil virðing fyri starvs­fólku­num elvir…
Hevur familjan tað gott, so hevur vinnan…
VALFUNDUR UM FÓLKA­SKÚLAN Í AULUNI Á NÁMS…
Hugleiðing um búskaparstøðuna - fyri at…
Faðir og barnið
Vit ungu eru framtíðin
Førleikameting, vaksnamannalæra og yrkis…