Taka vit fyrst hagtølini fyri november mánað, og hvussu hann var í tíðarskeiðnum 2010-2022, so hevur miðalhitin ligið ímillum 4,1 stig (í 2017) og 8,2 stig (í 2014).

Í november í fjør (2021) var miðalhitin 5,8 stig.

Bláa strikan vísir mesta hitan í november 2010-2022. Tann reyða strikan vísa miðalhitan í november seinastu 30 árini.

Í ár (2022) var miðalhitin fyri november 8,4 stig - t.e. heitari enn miðal fyri november 2010-2021. 

Danska veðurstovan hevur gjørt ymiskar mátingar í Havn síðan 1875. Eisini av hitalagnum. Hyggja vit eftir tølunum fyri miðalhitan fyri november øll 147 árini aftureftir til 1875, so var tann kaldasti november mánaði í 1917, tá vóru máld 1,3 stig, og tann heitasti mánaðin var í ár, 8,4, stig. 

Eitt annað, sum sæst á tølunum fyri miðalhitan í november síðan 1875, er at bert 5 ferðir er hevur miðalhitin verið 8 stig ella meir. Øll hesi 5 árini hava verið eftir 2010.