Varaborgarstjórin luttekur ikki á samgongufundum
Stevið í býráðsmeirilutanum er alt annað enn gott.
Tað hevur ljóðað í býnum seinastu tíðina, at samstarvið í býráðsmeirilutanum hevur sæð betri dagar. Og talan er um trilvandi samstarv millum borgarstjóran og varaborgarstjóran. Vit hava vent okkum til báðar at frætta nærri.
Við Norðlýsið sigur Atli S. Justinussen, at hann hevur boðað frá, at hann ikki luttekur á samgongufundum fyribils, og at orsøkin er at borgarstjórin hevur brotið eina munnliga avtalu teirra millum. Avtalan snýr seg um at varaborgarstjórin gerst virkandi borgarstjóri, tá Karl Johansen er uttanlands. Borgarstjórin var uttanlands í desember, men Karl Johansen lat ikki varaborgarstjóranum lyklarnar til borgarstjóraskrivstovuna, upplýsir Atli.
Tað hava verið eini 4 samgongufundir síðan desember mánaða, og á teimum havi eg ikki luttikið, sigur Atli S. Justinussen
Vit hava tosað við Karl Johansen, borgarstjóra, og hann váttar at hava fingið boðini frá Atla S. Justinussen, varaborgarstjóra.