Topp 4 í týdningarmiklum dystum mikukvøldið
Nógv kann broytast í toppstríðnum mikukvøldið.
Mikukvøldið verða tveir framskundaðir dystir millum liðini, sum í summar skulu spæla altjóða dystir. KÍ-B36 og Víkingur-HB. Undan dystinum er stigatalvan hendan:
1. KÍ 30 stig
2. B36 24 stig
3. HB 23 stig
4. Víkingur 20 stig
Sostatt kann mikukvøldið blíva avgerandi. B36 er liðið, sum hevur tey bestu hagtølini í Klaksvík síðstu mongu árini. B36 er eisini einasta liðið, sum hevur vunnið á KÍ í ár. Tað var í kappingini um løgmanssteypið.
Í Norðragøtu vann HB fyrr í ár eftir longda leiktíð í kappingini um løgmanssteypið, meðan landskappingardysturin í Gundadali endaði við javnleiki. Sostatt er lagt upp til ein spennandi dyst her.
Siga vit at B36 og HB vinna sínar dystir, so verða bara fýra stig frá nummar eitt til nummar trý. Men siga vit at KÍ oh Víkingur vinna sínar dystir, so verða níggju stig frá nummar eitt til nummar tvey. Talan er sostatt um eitt rættuliga avgerandi kvøld, har vit kunnu fáa stóran spenning í oddastríðið, men har vit eisini kunnu fáa ein stór glopp millum nummar eitt og tvey.
Báðir dystirnir byrja kl. 19.00.