Í núverandi neysti er sera trongligt. Venjingarumstøðurnar eru als ikki nøktandi, eins og tað bert er pláss fyri tveimum av trimum bátum. Eitt rúmligari neyst, ið m.a. eisini hevur umklæðingarrúm, er tí eitt sera stórt framstig fyri NHR.

Norðoya Motorsavn manglar eisini hølir bæði til framsýning og verkstað. Savnið eigur 40 umvældar motorar, og hevur 40 aðrar. Men felagið manglar umstøður.

Til kunningarfundin hóskvøldið bleiv kunnað um, hvussu eitt hús, sum hýsir báðum feløgunum kann síggja út. Verkætlanin hevur fingið navnið Drivið.

Í Sandoyrabug sang Hans F Christiansen Norðingasangin, sum er komin á Spotify í dag. Og Hans Jørgen Nysted, formaður fyri Norðoya Motorsavn loysti fyrsta flagið.

Verkætlanin at byggja Drivið er sera kostnaðarmikil og krevur undirtøku og stuðul ikki bert frá lokala umhvørvinum, men eisini úr grunnum í Føroyum og Danmark. Arbeiðið at skaffa fígging til bygningin er í gongd og vóna vit, at tað arbeiðið fer at eydnast væl.