Listi E í Vági, har fiskimálaráðharrin Dennis Holm var uppstillaður seinast, heilsar í almennari fráboðan ætlanum um at byggja nýtt pelagiskt í Vági vælkomnum.

Listin skrivar sambært Suðurrás: 

“Fyrst av øllum heilsa okur ætlanunum um at byggja eitt pelagiskt virki inni á Oyrunum hjartaliga vælkomnum. Í mong ár hava okur droymt um slíkar ætlanir í Vági, so sjálvsagt eru okur eisini ovurfegin…”

Ein av mest týðandi fortreytunum fyri einum svartkjaftavirki er rávørugrundarlagið. Har kann ein uppsøgn av fiskiveiðusamstarvinum við Russland í Barentshavinum koma væl við, tá svartkjaftakvoturnar sum russar í dag fiska undir Føroyum í so fall skulu fiskast av føroyskum fiskivørum. Og landast til pelagisku virkini á landi, herundir einum nýggjum virki í Vági.

Dennis kann soleiðis skaffa heimbygdini eitt nýtt svartkjaftavirki við úrslitaleysum samráðingum við russar um fiskiveiðuavtalu fyri Barentshavið. Tí kann spurningur nú setast við, um Dennis Holm er gegnigur at standa fyri samráðingunum við Russland?