Norðlýsið er farið í gongd við at gera beinleiðis podvarp, í seinastu viku var vinnusending á skránni og í kvøld verður spildurnýggj fótbóltsending at hoyra og síggja á fyrsta sinni.

Sendingin kallast Skotið – fótbóltur í grannalagnum og úti í heimi og fer, sum navnið leggur upp til, at snúgva seg um fótbólt herheima og eisini úti í heimi. Serligur dentur verður lagdur á Betri deildina og Premier League.

Í kvøld verður Andras Sólstein gestur. Andras er bæði íðin Tottenham og KÍ fjeppari, so her er nógv at taka fatt í. Andras er harumframt pápi KÍ-málslúkin yvir teimum øllum Páll Klettskarð. 

Í meðan sendingin koyrir spælir Tottenham ímóti Chelsea, ein sigur til Spurs og so liggja teir nummar eitt í Premier League. 

Jóan Pauli Jacobsen, fótbóltsserfrøðingur verður vertur. Sendingin verður at hoyra beinleiðis á heimasíðuni í kvøld kl. 19.30. Eftir at sendingin er liðug, er hon at finna undir kykmyndir á nordlysid.fo.

BEINLEIÐIS HER