Veðrið í vikuni
Hesa vikuna fer ættin fyri tað mesta at vera eystan. Fleiri lágtrýst fara at liggja yvir Skotlandi ella eitt sindur vestanfyri. Tey draga luft til sín allastaðni frá, og eftirsum vit liggja norðan fyri lágtrýstini, er ættin okkum støðug eystan, við onkur avstingara niður í landsynning.
Luftin, sum kemur hendaveg, er eitt sindur óstøðug, og tí kunnu virt rokna við ælaveðri viðhvørt, men eisini løtur við turrveðri.
Hitalagið er nokkso støðugt hesa vikuna. Fer at liggja um 5 til 9 stig, men tað er niðri við havflatan. Longur uppi, har sum vegir liggja høgt, er sjálvandi nakað kaldari. Vit rokna við einari køling, sum er 1 stig fyri høvrjar 100 metrar uppeftir – t.d. liggur oyggjavegurin í støðum um 300 metrar oman fyri hav, og tí eru 3 sig kaldari har, enn sgat verður í forsagnunum.
Veðrið í vikuni – dag fyri dag:
Mánadagin: 5 til 10 m/s eystan, skiftandi skýloft og okkurt ælið, men eisini sólglottar í støðum. Hitin 5 til 9 stig.
Týsdagin: Aftur 5 til 10 m/s av eystri, men skýloftið verður eitt sindur klárari enn í dag – t.e. smáskýggjað við sólglottum, men eisini eistøk æl í støðum. Um kvøldið minni vindur, um 3 til 8 m/s. Hitin 5 til 9 stig.
Mikudagin: 3 til 8 m/s eystan, skiftandi skýloft og yvirhøvur turt, tó okkurt ælið í støðum. Um kvøldið lækkar hann niður í eystan og minkar vindin niður í eitt lítið lot, minni enn 5 m/s. Hitin aftur sum í dag og í morgin, 5 til 9 stig.
Hósdagin: Lítið lot minni enn 5 m/s av landsynningi, skýggjað og yvirhøvur turt. Seinnapartin veksur vindurin upp í 3 til 8 m/s, men framvegis skýggjað og yvirhøvur turt. Hitin 4 til 8 stig.
Fríggjadagin: 3 til 8 m/s av landsynningi, seinni eystan, skiftandi skýloft og ælaveður. Hitin 6 til 9 stig.