Sagt verður frá nógvum vindi og nógvum regni/kava leygardagin kl. 17.00, tá Skála-KÍ skulu spæla eftir ætlan eins og Norðlýsið skrivaði í gjár.

Kappingarnevndin hjá FSF hevur nú kunnað feløgini um, at avgerð verður tikin í morgin kl. 13.00, um dysturin skal spælast sum eftir ætlan.

Óansæð um valt verður at spæla, so liggur avgerðin altíð í síðsta enda hjá dómaranum, um tað er spælandi ella ikki. FSF hevur meldað út áður, at man skal heldur avlýsa ein dyst ov nógv heldur enn ein ov lítið. Síðstu árini hava vit sæð dystir spældar, har tað als ikki hevur verið spælandi. Eitt dømi var dysturin millum B68-Víking á Svangaskarði í fjør.

Verður dysturin útsettur er mest upplagt, at hann verður mánakvøldið ella týskvøldið, tá veðrið sær munandi betri út. Skála og KÍ skulu ikki í dyst aftur fyrr enn sunnudagin, so hvílutíð verður ikki nakar trupulleiki, um spælt verður áðrenn mikudagin.

Dómari á Skála verður Kári á Høvdanum. Norðlýsið kunnar um støðuna leygardagin.