KÍ hevur kunngjørt ein nýggjan sáttmála við 20-ára gamla miðverjan Jákup Norðoy Vilhelmsen.

KÍ skrivar soleiðis á teirra heimasíðu:

“Jákup N. Vilhelmsen er ikki bangin fyri at traðka á vøllin, og hvørja ferð er tað 100%. Hann er sterkur og hevur ein framúr góðan vinstra fót, sum kemur væl við í verjuni.

- Sum felag eru vit stolt av okkara talentum, og síðstu árini hevur felagið arbeitt miðvíst við menningini av yngru leikarunum. Jákup Norðoy Vilhelmsen er eitt av úrslitunum av hesi satsingini. Vit fegnast um, at hann við stuðli frá sínum nærmastu heldur fram á leiðini. Við 2 ára sáttmála, harðari og miðvísari venjing vænta vit, at Jákup í framtíðini verður ein av berandi lyklaleikarunum á besta mansliðnum.

Hetta sigur høvuðsvenjarin, Haakon Lunov, um Jákup, sum hevur roynt seg á øllum yngru landsliðunum.

KÍ takkar Jákup fyri álitið og ynskir honum bjarta framtíð í felagnum.”

Vit á Norðlýsinum ynskja Jákupi tillukku við nýggja sáttmálanum.

Koyr á KÍ!