Víkingur hevur vunnið allar landskappingardystirnar síðani tvey umfør áðrenn summarsteðgin í 2023. KÍ hevur tapt allar dystirnar móti topp 4 frá 2023 í ár, og tí eru seks stig á muni millum liðini. Tað ger, at trýst er á KÍ til hendan dystin, tí tapur KÍ, so er liðið fyribils úti av FM-stríðnum.

Hjá KÍ eru fýra leikarar langtíðarskaddir, og so er ivamál um Patrick Da Silva, Deni Pavlovic og Mads Bo Mikkelsen. Hjá Víkingi hava Jørgen Nielsen, Olaf Bárðarson, Ari Olsen og Ingi Jonhardsson verið skaddir síðstu dystirnar og seinasta landskappingardyst blivu Finnur Justinussen og Sølvi Vatnhamar útskiftir í hálvleikinum. Helst verða onkrir av hesum við.

Dysturin í Klaksvík byrjar kl. 15.00. Dómari verður Eiler Rasmussen.