Lýsing
Lýsing
Lýsing
Hanna Jensen hevur ikki áður enn nú givið til kennar, hvørja støðu hon hevur til fría fosturtøku. Tí var spenningur til tað seinasta, og tá avtornaði, atkvøddi hon ímóti og feldi harvið uppskotið hjá egnum landsstýrismanni. | Mynd: Spurnarkanning hjá in.fo/Sosialinum.

Stórmál hjá Framsókn felt av teirra egnu

SKRIVAÐ: Jóhann Lützen  |  15.05.2024 - 19:48 Politikkur Tíðindi

Í kvøld er greitt, at sitandi Landsstýri ikki hevur undirtøku í Løgtinginum fyri onkrum av sínum stórmálum. Eitt av stórmálunum hjá Framsókn er fosturtøkulógin, sum fall, m.a. tí at fleiri samgongutingfólk atkvøddu ímóti. 2 javnaðartingfólk og 2 framsóknartingfólk atkvøddu ímóti, og hóast 2 sambandstingfólk atkvøddu fyri, var tað ikki nóg mikið at bera málið ígjøgnum.

Millum tey, sum atkvøddu ímóti málinum hjá Bjarna Kárasyni Petersen um fría fosturtøku vóru 2 løgtingsfólk í hansara egna flokki, Sólvit Emilson Nolsøe og Hanna Jensen. Málið fall við 15 atkvøðum fyri og 15 ímóti (ongin var blonk), og sostatt høvdu framsóknarfólkini altavgerandi leiklutin í, at málið fall. Triðja framsóknarfólkið, Karlot Hergeirsson, atkvøddi fyri.

Eisini Jóhannis Joensen og Henrik Old úr Javnaðarflokkinum atkvøddu ímóti. Andstøðutingfólkini, ið atkvøddu fyri, vóru Johan Dahl og Eyðdis Hartmann Niclasen, bæði úr Sambandsflokkinum. Ein samdur Fólkaflokkur og ein samdur Miðflokkur atkvøddu ímóti, meðan eitt samt Tjóðveldi atkvøddi fyri.

Málið fekk eisini eina heldur løgna byrjan, tí tá ið tað kom fram á tíðindafundi fyri fjølmiðlunum tann 8. januar, visti Ruth Vang, forkvinna í Framsókn, av ongum. Tá segði hon eisini, at ongin vissa var fyri, at Framsókn sum flokkur stóð aftanfyri landsstýrismannin, tí tey vóru ikki samd um málið. Í kvøld var tað so sjón fyri søgn, at bert 1 av teimum 3 tingfólkunum í Framsókn taka undir við Bjarna K. Petersen í hesum málinum.

Tað hoyrist eisini úr Løgtinginum, at onnur stórmál hjá samgonguni møguliga heldur ikki verða ungar heldur enn egg. Bæði stórmálið hjá Ingilín Didriksen Strøm um elveiting og stórmálið hjá Høgna Hoydal um gongd í haga eru nevnd sum dømi um stórmál, ið kunnu detta burtur. Tað er tó enn óváttað, meðan tað er ein sannroynd, at fosturtøkumálið er fallið.

Lýsing
Seinastu tíðindini
Stýrir Sambands­flokku­rin í veruleika­num…
Espen Haug verður nýggjur høvuðsvenjari…
Fríggja­dagin kom út verkið Tættir og tei…
Svenskur verjuleikari til KÍ
Nýggj bók – Saman um samkomuna
Straight Ahead heiðraðir
Jóhan Josephsen er nú toppskjútti í 1.de…
Almenn móttøka í sambandi við 3 Tesla MR…
Kom og hoyr Sangkórið í Betesda og um le…
Hetta er mítt HJÁLPARTÓL!
Varpið brakaði saman við Straight Ahead!
Myndarøð: Heiðurs­konsert fyri Straight A…
Jørgin Dahl fekk Listavirðisløn Nólsoyar…
Nýggj kanning: Hvat halda føroyingar um…
Fólka­flokku­rin: Skattgjalda­rin hevur upp…
Petur Larsen yvirskot í 2023
Býráðið í rangstøðu á Djúpumýru
Brúka so bara bussin
Hvat er trupulleikin ?
Fíggjar­mála­ráðið keypir KT-skipan fyri 1…
Lýsing