Lýsing
Lýsing
Lýsing
Vit hava ikki fingið alt at vita í skannaramálinum. Og nakað av tí, sum vit hava fingið at vita, samsvarar ikki við annað, vit hava fingið at vita. | Mynd: Egin mynd/Norðlýsið.

Skannaramálið – hvat vit vita, og hvat vit ikki vita

SKRIVAÐ: Jóhann Lützen  |  07.06.2024 - 12:09 Leiðarin

Mótstríðandi útmeldingar eru komnar síðstu dagarnar um nýggja Tesla 3 MR-skannaran á Klaksvíkar Sjúkrahúsi, og serliga um hann kann brúkast til at skanna fyri prostata ella ikki. Hetta er tað sum vit vita, og tað sum vit ikki vita, higartil í málinum.

 

Tað vit vita

▪ Avgerðin um at taka ímóti skannaranum varð tikin fyri 378 døgum síðani, tann 26. mai í 2023. 

▪ Sjúkrahúsleiðslan, forstjórin og stjórin á KS, dregur eina línu og sigur tað framvegis ikki vera klárt at skanna sjúklingar fyri prostata á Klaksvíkar Sjúkrahúsi enn.

▪ Serlækni hevur víst sjúklingi til skanningar á Klaksvíkar Sjúkrahúsi, men tað er seinni broytt til Aalborg í staðin.  

▪ Stjórin á Landssjúkrahúsinum sigur, at tað eru ein ella fleiri radiologar, sum hava víst sjúklingi til Aalborg í staðin fyri Klaksvík.

▪ Jóhan Poulsen, yvirlækni og urologur, sigur tað vera klárt at skanna sjúklingarnar á Klaksvíkar Sjúkrahúsi, og at tað tí ikki er neyðugt at senda teir til Danmarkar.

 

Tað vit ikki vita

▪ Hvussu leingi tað tekur at gera ein skannara kláran til at skanna fyri t.d. prostata. Higartil eru gingnir 378 dagar, síðani sjúkrahúsverkið fekk at vita, at skannarin kom.

▪ Radiologurin, sum vísti sjúklinginum til Aalborg, hevur enn ikki verið alment frammi við, hvør ítøkiligi trupulleikin er við skannaranum í Klaksvík.

▪ Hvat manglar við MR-skannaranum á Klaksvíkar Sjúkrahúsi? Er tað hardware? Software? (mangul uppá) Útbúgvin starvsfólk? Kringumstøður? Manning? Myndir? Greining? Samskifti?

 

Hví fólk stúra

Ein orsøk til týðiligu stúranirnar á sosialu miðlunum man vera dialysumálið í Suðuroy. Tað kom í drag, og ferð eftir ferð varð tað útsett av onkrum á Landssjúkrahúsinum. Tað reisti, sum vera man, eitt fólkakrav um at fáa dialysuna í rættlag. Sjúklingar stóðu fram og kærdu sína neyð alment í fjølmiðlunum, og teir fingu stóran fólksligan uppbakning. Langt um leingi endaði tað lukkutíð við, at viðgerðin kundi byrja í Suðuroy. Men tað var sera hart hoyggj at draga fyri fólk, sum frammanundan eru illa fyri vegna sjúkuna.

At prostata(s)kanningar í Klaksvík nú verða útsettar til ”aftaná summarferiuna” ella heilt til í heyst, ger, at fólk hóma somu tendensir sum í dialysumálinum. Nevniliga, at Landssjúkrahúsið kemur inn yvir málið og seinkar tí.

Margit Stórá skal svara

Landsstýriskvinnan á økinum, Margit Stórá, hevur sagt, at hon ikki vil leggja seg út í málið. Men Árni Skaale, løgtingsmaður, hevur sett henni ein fyrispurning á Løgtingi. Landsstýriskvinnan kann tá ikki halda nakrari upplýsing aftur, og hon skal sjálvandi svara satt.

Vónandi fer svarið hjá Margit Stórá at varpa ljós á alt tað, vit framvegis ikki vita um málið.

Lýsing
Seinastu tíðindini
Hava skrivað undir sáttmála um liðugtger…
Nú eru dystirnir hjá KÍ móti Differdange…
Eg skilji ikki, at ungir menn ikki halda…
Vónin samtakið er í vøkstri
Burturkastkunngerðin er longur burtur nú…
Joan Kannuberg sett sum einalærari í Hús…
Tá Jøkul varð sjósettur
Greining: Útlendsku starvs­fólk­ini stóran…
Nýggj frímerki frá Posta í dag, 24. juni
Klaksvík­ingur fekk debut í bestu deildin…
Tað gráa gullið – nýti arbeiðsmeg­ina hjá…
Hvør er Joseph Michael Williams?
Málninga­framsýning við Elisabeth á Bakka…
KÍ er nú endaliga úti av FM-stríðnum
KÍ fingið styrk til álopspartin
Hetta var ikki okkara dagur - KÍ tapti 0…
18 mánaðir – har vit hava loyst hvønn da…
Upptakt: HB-KÍ
Seinastu sluppir­nar í Klaksvík fóru alla…
120 børn á Másheyggi