Lýsing
Lýsing
Lýsing

Seinasta leikritið í hesum umfari

SKRIVAÐ: Jóhann Lützen  |  21.06.2024 - 10:23 Mentan Tíðindi

Út er komið 35. leikritið í røðini, sum Forlagið Fannir letur úr hondum. Hetta eru leikir, sum hava verið spældir nógv í Føroyum, og sum áður hava verið prentaðir, men eru útseldir.

 

 

Hetta 35. leikritið er ”EITT LEYGARKVØLD Í BRINGSNAGØTU” – dreymaleikur í trimum pørtum, sum Hans Andrias Djurhuus skrivaði í 1947 – seinasti leikur hansara. Leikurin hevur, tað ið vit vita, verið spældur í Funningi fyrst í 1950-árunum.  Ivaleyst hevur hann eisini verið spældur í øðrum bygdum.

Árni Dahl valdi tekstir, skrivaði viðmerkingar og legði til rættis. Bárður Jákupsson sniðgav forsíðu. William Heinesen gjørdi skreytmynd. Leikrit 35 er 110 síður.

Við hesum 35. riti er røðin LEIKRIT fullfíggjað, so sum ætlað var. Gjørt verður vart við, at tað ongantíð var ætlanin at prenta allar leikir, ið settir eru á pall í Føroyum, frá tí at føroyingar tóku stigið og fóru at spæla sjónleik á føroyskum máli á palli.

Heimangerðin var at prenta teir leikir, sum eru settir á pall, og sum fyrr eru prentaðir, annaðhvørt í bóklingum, tíðarritum ella sum undanskurður – sum framhald – í føroyskum dagbløðum.  Tíðarmarkið uppeftir varð sett til 1949.

Kanska tekur onkur táttin upp og letur prenta leikir frá 1950 og upp móti okkara tíð.

200 eintøk eru prentað av hvørjum leikriti. Øll eru tøk, men fá eintøk eftir av fyrstu leikunum.

 

Forlagið FANNIR

Lýsing
Seinastu tíðindini
Stórfingin 20 ára jubileums­konsert
Ímóti Bodø/­Glimt vendu vit 0-3 til greið…
Havnarvág í 1874
Tríggir nýggir leikarar undir Mýruhjalla
Íslendsk skip velja MEST
Talvdystur á ólavsøku
Hornorkestrið á Skúlatrøð
Til minnist um Hugo Thomsen
Strandferðslan setir nú bíleggingar­skipa…
Fólka­flokku­rin hevur opið hús ólavsøkuaf…
Hans Pauli Olsen, Marius Olsen og Hjørdi…
Nógvir fjepparar í Malmø
Úr vøggu í grøv
Sangfagnaðarløta í Ebenezer
Minningarorð um Eivind Weyhe
Hann hevur lagt seinasta countrylagið á
Flest mál ígjøgnum síðani 2017
KÍ rendi seg í ódnarveður í Malmø
Fjepparar savnast í Malmø
Ikki fleiri Klaksvíks­stríð