Tað eru næstan bara uttastu bólkarnir aftanfyri málið, har atgongumerki enn eru til sølu til annan og síðsta altjóða dystin hjá KÍ í Klaksvík í ár.

Hóast KÍ tapti 4-1 fyrra dystin í Svøríki, so hava áskoðararnir ikki mist áhugan fyri dystinum. Á atgongumerki.fo sást, at langsíðurnar eru útseldar. Og teir tríggir bólkarnir mitt fyri aftanfyri málið eru nærum útseldir. Tískil eru bólkarnir uttast, sum eisini hava tey bíligastu atgongumerkini (135 kr.) sum eru eftir.

KÍ-Malmø spæla týskvøldið kl. 19.45.