Arbeiðið byrjaði í 2023, men av ymiskum orsøkum steðgaði arbeiðið upp. Nú er arbeiðið við at umvæla bygningin tikið upp aftur. Arbeiðstakarin hevur gjørt arbeiðsøkið klárt, soleiðis at arbeiðið kann fara ígongd. Býráðshúsið fær nýggjan klædning, nýggja tekju, umframt at húsið verður bjálvað.

Meðan arbeiðið er ígongd, er ikki loyvt at parkera bilin framvið býráðshúsinum, og somuleiðis er ikki møguleiki at nýta gonguteigurin frammanfyri býráðshúsið. Víst verður til gonguteigin við Føroya Keypssamtøka.

Tað er Norðhús, sum ger arbeiðið fyri Klaksvíkar kommunu. Arbeiðið væntast at kosta áleið 6,7 mió.