Vit hava verið og hugt í roknskapirnar hjá FSF, sum finnast aftur til og við 2017. Og sigast má, at KÍ hevur givið nógv til lands- og kommunukassa. Tí síðani 2017 hevur KÍ vunnið 80,5 milliónir frá UEFA fyri síni úrslit í altjóða kappingum. Starvsfólkalønirnar hava hesi árini verið eini 63 milliónir. Tá hava vit gjørt eina meting av árinum 2024, tí hesar inntøkur eru ikki almennar enn. Afturat hesum koma aðrar avleiddar inntøkur, sum koma av hesum mongu dystum. Har kann nevnast flogferðir, hotellgistingar, ferðing við bussum, áskoðarainntøkur og annað. At leikvøllurin í Klaksvík er altjóða leikvøllur vegna íløgur í fleiri ár ger umframt at betra nógv um møguleikarnar hjá KÍ at standa seg væl bæði í heimligu kappingunum og í altjóða fótbólti, at eisini U-landslið og annað føroyskt lið (Víkingur) spæla í Klaksvík, og tað fær avleiddan týdning fyri m.a. handilslív, hotellir o.a. Sí talvu niðanfyri.