Men hvør er í parti við hvørjum, kunnu vithelst spyrja, nú val er í hondum.

Kanska er tað spell, at vit til kommunuvalið skulu umboða so nógvar ymiskar flokkar. Í míni verð er býráðs- og landspolikkur hvør sítt. Og sjálv haldi eg at tað hevði givið meining, um valið ístaðin var í millum persónar og góðar ætlanir. Tað hevði eisini verið gott, um vit sluppu undan at hugsa taktiskan partapolitikk fyri at fáa ávirkan íKlaksvíkar Býráð.

Ein góð býarætlan setur ongan eftir. Hon er størri og rúmligari enn nakar einstakur flokkur.

Býráðspolitikkur skal ikki verða eitt “one man show.” Ella samgonga ímóti andstøða. Har alt fer at snúgva seg um okkum ella tykkum. 

Tað má heldur ikki vera valdið ella pengarnir, men heldur viljin at gera tað góða og rætta fyri býin og kommununa, sum fær tað at renna saman millum flokkar og persónar – eisini aftaná valið.   

Um tað hepnast mær at røkka inn um býráðgátt, og eg fái møguleikan at gera mína ávirkan galdandi, so vil eg at arbeiða fyri, at vit fáa eina væl rikna og rúmliga kommuni, har øll føla seg hoyrd, sædd og virðismett. 

Vit lata okkum velja, tí vit ynskja at tæna borgarunum, sum her vilja búgva. 

Tað góða politiska samstarvið er ókeypis. Men vit hava heldur ikki ráð til annað. 

Annika S. Biskopstø

Býráðslimur