Lýsing
Lýsing
Lýsing

Bókaútgáva: Hevur føroyskt virðismetandi orðmyndan?

SKRIVAÐ: Tíðindaskriv  |  19.09.2024 - 08:07 Tíðindaskriv

Fróðskapur hevur givið út bókina Hevur føroyskt virðismetandi orðmyndan? Ein kanning av føroysku hjáorðaeftirfestunum -ni, -na og -sta eftir Sonju Winthereig. Hon hevur eisini gjørt permumyndina

 

 

Bókin sum er nr. 13 í røðini Setursrit, er 85 blaðsíður, og hon kostar 180 krónur í bókabúðunum.

Sonja Winthereig er útbúgvin MA í føroyskum og russiskum máli og bókmentum. Talan er um høvuðsritgerð hennara, ið varð mett at vera eitt kærkomið íkast til eitt lítið granskað øki í norðurlendskari málgransking.

 

Sonja sigur soleiðis um bókina:

Í føroyskum kunnu vit siga bæði ofta og oftani, soleiðis og soleiðisna, bara og barasta. Men nær brúka vit hvat? Og er nakar merkingarligur munur á slíkum orðapørum?

Í hesi bókini verða tílík orð umrødd og kannað. Spurt verður, um orðini við -ni, -na og -sta- endingum eru dømi um virðismetandi orðmyndan, har talarin styrkir um sína útsøgn; eitt nú um oftani er oftari enn ofta og hjartaligani hjartaligari enn hjartaliga.

Íblásturin til evnið fekk eg frá Hjalmari P. Petersen, professara í málvísindum. Hann gjørdi meg varuga við, at vit í føroyskum hava nøkur eftirfesti, ið møguliga kunnu flokkast sum evaluativ. Frammanundan kendi eg til evaluativ eftirfesti í teimum slavisku málunum og hevði arbeitt við evninum í sambandi við mína útbúgving í russiskum, men eg hevði aldrin hoyrt um hetta slagið av morfologi í føroyskum áður. Tí helt eg tað vera áhugavert at fara undir eina nágreiniliga kanning av hesum fyribrigdi. Samstundis kundi ein tílík kanning vera gagnlig fyri føroyska málgransking, við tað at hetta er eitt øki, sum ikki hevur verið granskað í áður, men sum kann staðfesta eitt øðrvísi slag av orðmyndan í føroyskum – ein øðrvísi máta at økja um okkara orðastovn uppá.

Fleiri hundrað fólk vóru við í kanningini, sum er gjørd á miðnámsskúlunum kring landið.

Lýsing
Seinastu tíðindini
Væleydnað ráðstevna í Varpinum um talgil…
Elsti KÍ-leikarin tekur eitt tørn aftura…
Klaksvíkar Kommuna í rúkandi menning
Formula sett KT-trygdarleiðara
Ein treytaleys umbering til Lóður
Eidesgaard leitar desperatur eftir synda…
“Fyri Barnsins Besta”
Bókaútgáva: Hevur føroyskt virðismeta…
Hví bara Klaksvík?
Vunnu á Suðurkorea
Tað góða samstarvið
Hallur hevur eykakonsert í Varpinum
Árni Frederiksberg hevur tilboð frá flei…
Kvøldskúlin: Komið og lærið nýggja taluk…
Ódn og stórir vinnuskaðar ávirka fyrra h…
Kokkaskúlin í TSK við í norð­urlendskum m…
Tvey norsk manskór vitja Klaksvík í viku…
8 føroyingar bjargaðir av bretskum hetju…
Føroyar varðveita somu kredittmeting
Lívsdygd, trivnaður og umsorgan